အဝေးသင်ပညာရေးကို ပင်မတက္ကသိုလ်များ အုပ်ချုပ်မှုအောက်တွင် ထားရှိသင့်ဟု တက္ကသိုလ်ဆရာ များဆို

အဝေးသင်ပညာရေးအား ရန်ကုန်တက္ကသိုလ်၊ မန္တလေးတက္ကသိုလ်စသည့် ပင်မတက္ကသိုလ်များ၏ အုပ်ချုပ်မှုအောက်တွင် ထားရှိသင့်ကြောင်း တက္ကသိုလ်ဆရာအသိုင်းအဝိုင်းတစ်စုက ဆိုသည်။

အဆိုပါတက္ကသိုလ်များတွင် အဝေးသင်ဌာနတစ်ခုအနေဖြင့် ဖွင့်လှစ်ပြီး တက္ကသိုလ်အလိုက် မေးခွန်း ထုတ်သင့်ကာ ယင်းသို့ပြုလုပ်ခြင်းဖြင့် တက္ကသိုလ်အချင်းချင်း ပြိုင်ဆိုင်မှုများဖြစ်လာနိုင်ကာ အရည် အသွေးပြည့်ဝသော အဝေးသင်ကျောင်းသားများပေါ်ထွက်လာစေနိုင်မည်ဟု ယင်းတို့ကသုံးသပ်ကြ သည်။

"ရန်ကုန်တက္ကသိုလ်ကနေ အဝေးသင်ဆိုပြီးသင်လို့ရတယ်။ တကယ့်နာမည်ကြီးတဲ့ တက္ကသိုလ်ကနေ အဆင့်တစ်ခုသတ်မှတ်ပြီးတော့ လာရောက်မတက်နိုင်တဲ့သူတွေကို အွန်လိုင်းကနေပို့ချပေးတာ၊ အဝေးကနေပို့ချပေးတာကို အဝေးသင်လို့ခေါ်ပါတယ်။ အခုကအဝေးသင်ဆိုပြီး ခွဲထုတ်လိုက်တော့ သူ့ကျောင်းသားတွေက တစ်နိုင်ငံလုံးမှာ ပြန့်နေတယ်။ ဖြေတော့လည်း သက်ဆိုင်ရာတက္ကသိုလ်တွေ မှာပဲဝင်ဖြေနေရတယ်။ ရန်ကုန်တက္ကသိုလ်က အဝေးသင်လုပ်ရင် ရန်ကုန်တက္ကသိုလ်က အဝေးသင် လုပ်ရင် ရန်ကုန်ကကျောင်းသားတွေ ရန်ကုန်တက္ကသိုလ်မှာပဲ သွားဖြေရမယ်။ တစ်နိုင်ငံလုံးမေးခွန်း တျွေကလဲအတူတူ။ တစ်နိုင်ငံလုံးချုပ်ထားသလို ဖြစ်နေတယ်" ဟု ရန်ကုန်တက္ကသိုလ်ဆရာများ အသင်းဥက္ကဋ္ဌဒေါက်တာသက်နိုင်က ပြောသည်။

တိုင်းဒေသကြီးနှင့်ပြည်နယ်များရှိ ပင်မတက္ကသိုလ်များမှ အဝေးသင်မေးခွန်းများထုတ်ခြင်း၊ စစ်ဆေး ခြင်းများ ပြုလုပ်ကာယင်းကဲ့သို့ပြုလုပ်ခြင်းဖြင့် သင်ကြားရေးကောင်းသော အရည်အသွေးရှိသော ကျောင်းသားများမွေးထုတ်ပေးနိုင်သည့် တက္ကသိုလ်များမှ ကျောင်းသားများအတွက် အလုပ်အကိုင် အခွင့်အလမ်းပိုမိုရရှိစေမည် ဖြစ်ကြောင်း ယင်းအတွက်တက္ကသိုလ်များလည်း အပြိုင်အဆိုင်ဖြစ်လာပြီး အရည်အသွေးများတိုးတက်လာမည်ဖြစ်ကြောင်း သိရသည်။

"ရန်ကုန်တက္ကသိုလ် အဝေးသင်အတွက် ရန်ကုန်ကေမေးခွန်းထုတ်၊ မန္တလေးတက္ကသိုလ် အဝေးသင် ကဆို မန္တလေးကထုတ်၊ မေးခွန်းတစ်ခုနဲ့တစ်ခုလဲ မတူတော့ဘူး။ အလုပ်ခေါ်တဲ့အခါကျတော့ စကား ပြောသွားပြီ။ မင်းအဝေးသင်နဲ့ဘွဲ့ရတာဟုတ်ပြီ။ ဘယ်တက္ကသိုလ်ကရလဲလို့မေးရင် ကျွန်တော်က မန္တလေးတက္ကသိုလ်ကရတယ်။ နောက်တစ်ယောက်က ရန်ကုန်တက္ကသိုလ်ကရရင် ရန်ကုန်တက္ကသိုလ် ကကောင်းနေရင် ရန်ကုန်တက္ကသိုလ်က အဝေးသင်ဘွဲ့ရတဲ့သူပဲခေါ်မှာပေါ့။ အဲဒီအခါကျ တက္ကသိုလ် တွေက ကိုယ့်အတွက်ကောင်းအောင် ကြိုးစားကြတော့မှာ" ဟု ထားဝယ်တက္ကသိုလ်မှ ဆရာတစ်ဦးက ပြောသည်။

ပညာရေးကျွမ်းကျင်သူ ဒေါက်တာစိုးဝင်းဦးက ယင်းကဲ့သို့တိုင်းဒေသကြီးပြည်နယ်များရှိ ပင်မတက္က သိုလ်များမှသာ အဝေးသင်ဌာနများ ဖွင့်လှစ်မည်ဆိုပါက တက္ကသိုလ်များ၏ အရည်အသွေးတိုးမြှင့်ရာ တွင် လွယ်ကူလျင်မြန်လာမည်ဖြစ်ကြောင်း ကိုယ်ပိုင်ပြဋ္ဌာန်းခွင့် လွတ်လပ်ခွင့်များပိုမိုပီပြင်လာမည်ဖြစ် ကြောင်း ပြောသည်။

အဆိုပါကိစ္စရပ်များနှင့် စပ်လျဉ်း၍ရန်ကုန်အဝေးသင်တက္ကသိုလ် ပါမောက္ခချုပ် ဒေါက်တာလှတင့်၏ သဘောထားကို သိရှိရန်ဆက်သွယ်မေးမြန်းရာ ယင်းကမည်သို့မျှ မှတ်ချက်မပေးလိုဟု ဖြေကြားခဲ့ သည်။

အဝေးသင်တက္ကသိုလ်တွင် နှစ်စဉ်ကျောင်းသားဦးရေ တက္ကသိုလ်ဝင်တန်းအောင်မြင်သော ကျောင်း သားရာခိုင်နှုန်း ၆၀ တက်ရောက်လျက်ရှိကြောင်း သိရသည်။

The Flower News Journal
Vol.9, No.41, October 22-28, 2013