ဖေဖေါ်ဝါရီလ
၂၅ ရက်နေ့ ယနေ့ကျင်းပသော ပြည်ထောင်စု လွှတ်တော် အစည်းအဝေးကို ရန်ကုန်မြို့
ဒဂုံတက္ကသိုလ်မှ ဥပဒေပညာရှင်များနှင့် ဥပဒေကျောင်းသားများ လေ့လာရေး
လာရောက်ကြရာ ဥက္ကဌ ဒေါ်အောင်ဆန်းစုကြည်မှ နုတ်ဆက်စကား ပြောကြားခဲ့သည်။
ဓါတ်ပုံ-National League for Democracy
“ဆယ်စုနှစ်နဲ့ချီပြီးတော့ ဥပဒေတွေဟာ ပြည်သူတွေကို ဘယ်လိုချုပ်ချယ်ရမယ်။ ပြည်သူတွေကို အစိုးရ လုပ်သူတွေရဲ့အောက်မှာ ပြားပြားဝပ်အောင် ဘယ်လိုထားရမလဲဆိုပြီးတော့ အဲ့လိုအသုံးချခံရတဲ့ အနေ အထားမှာ ဥပဒေက ရှိခဲ့တယ်။ ဒါကြောင့် ကိုယ့်ခေတ်ရောက်လို့ရှိရင် ကိုယ်ပြန်ပြင်ရမယ်”ဟု ၎င်းက ဆို သည်။
ပြည်ထောင်စုလွှတ်တော်သို့ ဖေဖော်ဝါရီ ၂၅ ရက်က လာရောက်လေ့လာသည့် ဒဂုံတက္ကသိုလ်မှ ဥပဒေ ကျောင်းသူ၊ကျောင်းသားဦးရေ ၁၀၀ ကျော်ကို တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ ဥက္ကဋ္ဌဒေါ်အောင်ဆန်းစုကြည်က တိုက်တွန်း ပြောဆိုလိုက်ခြင်းဖြစ်သည်။
“ဥပဒေများကို မည်သည့်အတွက် ပြဋ္ဌာန်းထားရသလဲ”ဟု ဒေါ်အောင်ဆန်းစုကြည်က ကျောင်းသား၊ ကျောင်းသူများကို မေးခွန်းထုတ်ခဲ့ရာ ကျောင်းသူတစ်ဦး၏“ဥပဒေဆိုတာ နိုင်ငံသားတွေ ကောင်းကောင်း မွန်မွန်နေနိုင်ဖို့နဲ့ အစိုးရပြဋ္ဌာန်းတဲ့ ဥပဒေတွေ”ဟူသည့် အဖြေကို ဒေါ်အောင်ဆန်းစုကြည်က ဘ၀င်မကျ ခဲ့ပေ။
ဥပဒေဆိုသည်မှာ အပြစ်ပေးရန်မဟုတ်ဘဲ ပြည်သူများအား ပညာပေးရန်သာဖြစ်သည်ကို နားလည်ရ မည်ဟု ဒေါ်အောင်ဆန်းစုကြည်က အဆိုပါကျောင်းသူ၏ ပြန်လည်ဖြေကြားချက်ကို ပြန်လည်ပြောကြား ခဲ့သည်။
“ဥပဒေဆိုတာ အစိုးရအတွက်ဆိုတဲ့ အတွေးအခေါ်က ဒီနိုင်ငံမှာ စွဲနေပြီ။ ဒါလည်း သားတို့ရဲ့အပြစ် မဟုတ်ဘူး။ ဒါပေမဲ့ သားတို့ခေတ်မှာ စပြီး ပြောင်းရမယ်။ ဥပဒေဆိုတာ အစိုးရအတွက်မဟုတ်ဘူး။ ခြုံငုံ ပြောရမယ်ဆိုရင် ဥပဒေဆိုတာ လူမှုအသိုင်းအ၀ိုင်းတစ်ခုလုံး အေးချမ်းသာယာနိုင်အောင်လို့၊ ဒါပဲ”ဟု ၎င်းက ရှင်းလင်း ပြောဆိုသည်။
ယင်းအပြင် ဥပဒေ၏အထက်တွင် မည်သူမျှမရှိရဘဲ ဥပဒေအထက်တွင် အစိုးရရှိနေမည်ဆိုပါကလည်း “ဒီနိုင်ငံကတော့ တော်တော်ခံရတော့မယ် မှတ်ပေတော့”ဟု ၎င်းက ပြောသည်။
လက်ရှိ တက္ကသိုလ်ပညာရေးစနစ်တွင် ဥပဒေအထူးပြုဘာသာရပ်ကို ဆယ်တန်း အမှတ်ပေါင်း ၃၅၀ ဖြင့် တက်ရောက်ခွင့်ရပြီး ပညာသင်နှစ် လေးနှစ် သင်ကြားပြီးပါက ဘွဲ့လက်မှတ်ရရှိမည်ဖြစ်သည်။
နိုင်ငံတကာနှင့် နှိုင်းယှဉ်မည်ဆိုပါက လက်ရှိမြန်မာနိုင်ငံ၏ ဥပဒေပညာရှင်များသည် အခွင့်အရေးများ နည်းနေပြီး ဥပဒေပညာသင်ကြားနေသည့် ကျောင်းသား၊ ကျောင်းသူများကလည်း မျက်နှာငယ်နေရ သည်ဟု ဒေါ်အောင်ဆန်းစုကြည်က ထောက်ပြသည်။
“ပညာရေးစနစ် ကောင်းတယ်ဆိုလို့ရှိရင် ဘယ်ဘာသာရပ်ပဲသင်သင် ကိုယ့်သိက္ခာနဲ့ကိုယ် နေနိုင်တယ်။ ဆရာဝန်မှ၊ အင်ဂျင်နီယာမှ မဟုတ်ဘူး။ ဒီနိုင်ငံက ပညာရေးစနစ်မကောင်းလို့၊ လူမှုရေး၊ နိုင်ငံရေးစနစ် မကောင်းလို့ အဲ့လိုဖြစ်သွားတာ”ဟု ၎င်းက ဆိုသည်။ အခြားတစ်ဖက်တွင်လည်း တရားဥပဒေစိုးမိုးမှုရှိမှ သာလျှင် ဥပဒေများကို လေးစားလိုက်နာကြမည်ဟု ဒေါ်အောင်ဆန်းစုကြည်က ဆိုသည်။
ဉဏ်လှိုင်လင်း၊ မင်းမင်း
Mizzima - News in Burmese
Post a Comment
EmoticonClick to see the code!
To insert emoticon you must added at least one space before the code.