မြန်မာနိုင်ငံတွင် လေကြောင်းပို့ဆောင်ရေး မူဝါဒတစ်ခု လိုအပ်နေကြောင်း နိုင်ငံတကာ လေကြောင်းပို့ဆောင်ရေးအဖွဲ့ ပြောကြား

ပြည်တွင်းတွင် ပြေးဆွဲနေသော လေယာဉ်အချို့အား တွေ့ရစဉ် (ဓာတ်ပုံ-နေထွန်းနိုင်)

နိုင်ငံတကာ လေကြောင်းပို့ဆောင်ရေးအဖွဲ့ (IATA)က မြန်မာနိုင်ငံတွင် အမျိုးသား လေကြောင်းပို့ဆောင်ရေးဆိုင်ရာ မူဝါဒတစ်ခု လိုအပ်နေကြောင်း ပြောဆိုခဲ့သည်ဟု Channel News Asia သတင်းဌာန၏ ဖော်ပြချက်အရ သိရသည်။

Channel News Asia သတင်းဌာန၏ အီးမေးလ်မှတစ်ဆင့် ဆက်သွယ်မေးမြန်းချက်ကို အပြည်ပြည်ဆိုင်ရာ လေကြောင်းပို့ဆောင်ရေး အဖွဲ့က ဖြေကြားရာတွင် လေကြောင်းပို့ဆောင်ရေး မူဝါဒ ရေးဆွဲရာတွင် ခန့်မှန်းလေကြောင်း ဖွံ့ဖြိုးမှု၊ လေ့ကျင့်သင်ကြားပေးမှုများနှင့် အစိုးရ လုပ်ထုံးလုပ်နည်းများကိုပါ ထည့်သွင်းရေးဆွဲရန် လိုအပ်သည်ဟု ဆိုသည်။

IATA အဖွဲ့၏ ပြောဆိုချက်ကို မြန်မာ့လေကြောင်းဌာနမှ ပြန်ကြားရာတွင် အဆိုပါ မူဝါဒသည် ရေးဆွဲနေပြီး ၂၀၁၄ ခုနှစ်တွင် အသင့်ဖြစ်နေမည်ဟု ပြောဆိုခဲ့သည်။

မြန်မာနိုင်ငံ လေကြောင်းပို့ဆောင်ရေး ကဏ္ဍသည် လွန်ခဲ့သည့် ဆယ်စုနှစ်များအတွင်း အနောက်နိုင်ငံများ၏ ပိတ်ဆို့မှုများကြောင့် အရေးကြီးသော ကဏ္ဍတစ်ခုအဖြစ် ထည့်သွင်းစဉ်းစားခြင်း မခံခဲ့ရပေ။ သို့သော် တိုင်းပြည်၏ အနေအထား ပြောင်းလဲလာမှုကြောင့် လေကြောင်းဌာနက မြန်မာသည် အရှေ့တောင်အာရှ လေကြောင်းပို့ဆောင်ရေးတွင် အချက်အချာတစ်ခု ဖြစ်လာနိုင်သည်ဟု ယုံကြည်နေသည်။

----------------------------------------------------------------------------------------------------------------------------

မြန်မာနိုင်ငံ လေကြောင်းပို့ဆောင်ရေးကဏ္ဍ တိုးတက်ဖွံ့ဖြိုးရေးအတွက် နောက်ထပ်စိန်ခေါ်မှုတစ်ခုမှာ မြန်မာ့ပြည်တွင်း လေကြောင်းများ၏ အခြေအနေကို မြှင့်တင်ပေးနိုင်ရန် ဖြစ်သည်။ များမကြာမီ အချိန်များကလည်း ပြည်တွင်းလေကြောင်းများတွင် လေယာဉ်မကြံ့ခိုင်မှုကြောင့် လေကြောင်းမတော်တဆမှုများ ဆက်တိုက်ဖြစ်ပွားခဲ့ပြီး အာဏာပိုင်များ အနေဖြင့် အဆိုပါပြဿနာကို ဖြေရှင်းရေးနှင့် ပတ်သက်၍ . . . . .

----------------------------------------------------------------------------------------------------------------------------

အဆိုပါ လေကြောင်းပို့ဆောင်ရေး မူဝါဒနှင့် ပတ်သက်၍ မြန်မာနိုင်ငံ လေကြောင်းပို့ဆောင်ရေး ညွှန်ကြားမှု ဦးစီးဌာန ဒုတိယညွှန်ကြားရေးမှူးချုပ် ဦးဝင်းဆွေထွန်းက "အချိန်တော်တော် ကြာနေတဲ့အထိ ကျွန်တော်တို့ဆီမှာ တိကျသေချာတဲ့ လေကြောင်းမူဝါဒ မရှိဘူး။ ကျွန်တော်တို့ နိုင်ငံခြား အော်ပရေတာတွေကို လက်ခံခဲ့တယ်။ ကျွန်တော်တို့ဆီမှာ ဈေးကွက်ဆိုတာလည်း မရှိဘူး၊ နိုင်ငံခြား အော်ပရေတာတွေကို စွဲဆောင်တာမျိုးတွေလည်း မရှိခဲ့ဘူး။ အခုတော့ ကျွန်တော်တို့မှာ နိုင်ငံတကာ အဆက်အဆံတွေ ရှိလာတဲ့အတွက် အခွင့်အရေးကောင်းတွေ အများကြီး ဖြစ်လာပါပြီ။ ဒါပေမဲ့လည်း တခြားတစ်ဖက်မှာတော့ ကျွန်တော်တို့အတွက် စိန်ခေါ်မှုတွေ ရှိလာပါပြီ။ ဒီအတွက် လေကြောင်းပို့ဆောင်ရေး မူဝါဒတစ်ခုတော့ မဖြစ်မနေ လိုအပ်နေပါတယ်" ဟု ပြောကြားသည်။
လက်ရှိအချိန်တွင် မြန်မာ့လေကြောင်း အာဏာပိုင်အဖွဲ့သည် နိုင်ငံရှိလေဆိပ်များ ထိန်းချုပ်ရေးနှင့် စီမံခန့်ခွဲရေး နှစ်ခုစလုံးအတွက် တာဝန်ရှိသူ ဖြစ်သည်။
သို့သော်လည်း နောက်ထပ်အဖွဲ့တစ်ခုအား လုပ်ငန်းများ ဆောင်ရွက်ရန်အတွက် ရွေးချယ်ရန်စီစဉ်နေကြောင်းကို ဦးဝင်းဆွေထွန်းက ပြောကြားသည်။
မြန်မာနိုင်ငံ လေကြောင်းပို့ဆောင်ရေးကဏ္ဍ တိုးတက်ဖွံ့ဖြိုးရေးအတွက် နောက်ထပ်စိန်ခေါ်မှုတစ်ခုမှာ မြန်မာ့ပြည်တွင်း လေကြောင်းများ၏ အခြေအနေကို မြှင့်တင်ပေးနိုင်ရန် ဖြစ်သည်။ များမကြာမီ အချိန်များကလည်း ပြည်တွင်းလေကြောင်းများတွင် လေယာဉ်မကြံ့ခိုင်မှုကြောင့် လေကြောင်းမတော်တဆမှုများ ဆက်တိုက်ဖြစ်ပွားခဲ့ပြီး အာဏာပိုင်များ အနေဖြင့် အဆိုပါပြဿနာကို ဖြေရှင်းရေးနှင့် ပတ်သက်၍ ထိပ်တန်းဦးစားပေး ဆောင်ရွက်နေသည်။
အဆိုပါ လေယာဉ်မတော်တဆမှုများနှင့် ပတ်သက်၍ "ကျွန်တော်တို့ဆီမှာ လေယာဉ်နဲ့ပတ်သက်လို့ ကန့်သတ်ထားတာတွေ မရှိပါဘူး။ ဒါပေမဲ့ ၂၀၁၁ တုန်းကတော့ ကျွန်တော်တို့ဆီမှာ ရှိနေတဲ့ လေယာဉ်တွေကို နောက်ထပ် ၂၅ နှစ်ထက် ပိုမသုံးဖို့ ကန့်သတ်ထားခဲ့ပါတယ်။ အသစ်ဝယ်ယူထားတဲ့ လေယာဉ်တွေ၊ ငှားရမ်းထားတဲ့ လေယာဉ်တွေနဲ့ ပတ်သက်လို့တော့ နှစ်ပေါင်း ၂၀ ခန့်အထိ အသုံးပြုနိုင်ပါတယ်။ ကျွန်တော်တို့ဆီမှာ လုံခြုံရေးစနစ်တွေ ရှိပါတယ်။ လုံခြုံရေး စီမံခန့်ခွဲမှုတွေ ရှိပါတယ်" ဟု ဦးဝင်းဆွေထွန်းက ပြောကြားသည်။
IATA ၏ အဆိုအရ မြန်မာလေကြောင်း ပို့ဆောင်ရေး နည်းစနစ်သည် ခရီးသွားလုပ်ငန်းနှင့် စီးပွားရေးအရ အဆင်ပြေရလိမ့်မည်။ သို့မှသာ မြန်မာအနေဖြင့် လေကြောင်းပို့ဆောင်ရေး ကဏ္ဍမှ လူမှုရေးစီးပွားရေး အကျိုးအမြတ်များ ရရှိနိုင်မည်ဟု ဆိုပါသည်။ မြန်မာနိုင်ငံတွင် လေကြောင်းကဏ္ဍနှင့် ပတ်သက်၍ တိုးတက်ဖွံ့ဖြိုးမှုများ ရှိနေသည်ကို IATA အနေဖြင့် သိမြင်ပါကြောင်းနှင့် ၎င်းတိုးတက်မှုများ ဆက်တိုက်ဖြစ်ပေါ်နေပါရန် မျှော်လင့်နေပါ ကြောင်းကိုလည်း IATA ၏ အကြောင်းပြန်ချက်တွင် ထည့်သွင်းဖော်ပြထားသည်။

First Eleven Media Group