ကောလင်းမြို့နယ်၊ အုတ်ဆုံ ဂရမ်အင်းအတွင်းရှိ မြင်းဝန်းဆည် အတွင်းတွင် ငါးဖမ်းနေကြောင်း သတင်းအရ ငါးလုပ်ငန်းဦးစီးဌာန ဦးစီးမှူးဦးညီညီလင်းထွဋ်နှင့် အဖွဲ့ ကျေးရွာအုပ်ချုပ်ရေးမှူးများပူးပေါင်း ၍ မေ (၂၈) ရက်နေ့တွင် အဆိုပါ နေရာသို့သွားရောက်စစ်ဆေးရာ အောက်သီတရာကျေးရွာမှ ဦးသိန်းထွန်းသည် ယင်းအစိတ်ခင်း လျက် ငါးဖမ်းနေသည်ကို ငါးပေါက် စမျိုးစုံ (၄) ပိဿာခန့်နှင့်အတူ စစ်ဆေးတွေ့ရှိရပြီး စစ်ဆေးမေး မြန်းချက်အရ အင်းသူကြီးဟောင်း ဖြစ်သူ ဦးမောင်ထွေးငါးများဖြစ် ကြောင်းနှင့် ညီဖြစ်သူအား ကူညီ ၍ ငါးဖမ်းပေးခြင်းဖြစ်သည်ဟု ထွက်ဆိုခဲ့သည်။
သို့ဖြစ်၍ ငါးလုပ်ငန်းဦးစီး ဌာနမှ ဦးစီးအရာရှိဦးညီညီလင်း ထွဋ်မှ ဦးသိန်းထွန်း (ဘ) ဦးအုန်းမောင်၊ အသက် (၄၁) နှစ်၊ အောက်သီတရာကျေးရွာတို့အား ကောလင်းရဲစခန်းတွင် ဥပဒေအရ အရေးယူပေးရန် တိုင်ကြားသဖြင့် ကောလင်းရဲစခန်းမှ (ပ)၁၇၅/ ၂၀၁၃၊ ရေချိုလုပ်ငန်းပုဒ်မ ၄၅ ဖြင့် အမှုဖွင့်အရေးယူထားကြောင်း သိရသည်။
ကျေးလက်နေပြည်သူအချို့ သည်နှစ်စဉ်မိုးရာသီရောက်ပါက စပါးစိုက်ခင်းများအတွင်းနှင့် ချောင်းရိုးမြောင်းရိုးများအတွင်းတွင် မြုံးထောင်ခြင်း၊ ပိုက်တန်ခြင်း၊ ဘက်ထရီရှော့တိုက်ဖမ်းဆီးသည့် အတွက် ရေနေသတ္တ၀ါ၊ ငါး၊ ငါးရှဥ့်၊ ဖားတို့သေကြေရသည်မှာ စိတ်မချမ်းမြေဖွယ်ရာဖြစ်သည်။ စပါးစိုက်ခင်းများအတွင်း ထိုကဲ့သို့ ဘက်ထရီရှော့တိုက်ဖမ်းဆီးသည့် အတွက် လျှပ်စစ်စီးကြောင်းအတွင်း ကျရောက်သောစပါးပင်များသည် အစိမ်းရောင်မှ ၀ါဖျော့ဖျော့အရောင် သို့ပြောင်းကာအပင်များနာရ ကြောင်း ကိုယ်တွေ့ကြုံရသူများ က ပြောဆိုသည့်အတွက် ကျေးလက်နေပြည်သူအချို့အနေ ဖြင့် ငါးသယံဇာတများ မပြုန်းတီး ရေးအတွက် ထိန်းသိမ်းရန်လိုအပ် သည်ဟု သိရသည်။
စိုင်းလူမ
Post a Comment