ဒီကနေ့ ဆန္ဒပြပွဲနဲ့ ပတ်သက်လို့ ဆန္ဒပြရာမှာပါဝင်တဲ့ တုံရွာသူတစ်ဦးက RFA ကို အခုလို ပြောပါတယ်။
"လက်ပံတောင်းတောင် ကြေးနီစီမံကိန်း ဖျက်သိမ်းရေးအတွက် ဆန္ဒပြနေတဲ့ လက်ပံတောင်းတောင်က ဒေသခံတွေနဲ့ သံဃာတော်တွေကို မီးလောင်ဗုံးနဲ့ အကြမ်းဖက်ခဲ့တဲ့ ၇ လပြည့် အထိမ်းအမှတ် သတိရတဲ့အနေနဲ့ ဆန္ဒပြရခြင်းဖြစ်ပါတယ်"
ဆန္ဒပြပွဲမှာ ဆည်တဲရွာ၊ တုံရွာ၊ အလယ်တောရွာ၊ တောကျောင်းရွာစတဲ့ ကျေးရွာတွေက ဒေသခံတွေ ပါဝင်ခဲ့ပြီး လက်ပံတောင်းတောင် ကြေးနီစီမံကိန်း အမြန်ဆုံးဖျက်သိမ်းပေးဖို့၊ ပုဒ်မ ၁၄၄ ရုတ်သိမ်းပေးဖို့၊ ဖမ်းဆီးခံထားရသူတွေကို ပြန်လွှတ်ပေးဖို့၊ ဖမ်းဝရမ်းထုတ်ထားတဲ့ သူတွေကို ရုတ်သိမ်းရေးဖို့ စတဲ့အချက် ၁ဝ ချက်ကို ကြွေးကြော်တောင်းဆိုိခဲ့ကြပါတယ်။
အဲဒီအပြင် ညနေ ၅ နာရီမှာလည်း သပိတ်စခန်းတွေ ဖြိုခွင်းခံရတဲ့ ၇ လပြည့် အထိမ်းအမှတ်အဖြစ် ဆည်တဲရွာမြောက်ဘက်ပိုင်းမှာ ဆုတောင်းပွဲတွေနဲ့ တောင်ကြည့်ပွဲကိုလည်း ပြုလုပ်ခဲ့တယ်လို့ သိရပါတယ်။
RFA Burmese
Post a Comment