ရာသီဥတုဆိုးဝါးတဲ့အတွက် လှေနစ်မြုပ်ပြီး သေဆုံးခဲ့တဲ့
မြန်မာအလုပ်သမား ၁၂ ဦးရဲ့ အလောင်းတွေကို ထိုင်းနိုင်ငံ
ရနောင်းမြို့အနောက်ဖက် ပင်လယ်ပြင်မှာ တွေ့ရှိထားတယ်လို့ ထိုင်းရဲတပ်ဖွဲ့က
ဒီကနေ့ ပြောကြားလိုက်ပါတယ်။
စနေနေ့မနက်ခင်းက ရာသီဥတုဆိုးဝါးတဲ့အတွက် လှေနစ်မြုပ်ခဲ့တာဖြစ်ပြီး
ဒီအထဲကအမျိုးသမီး ၃ ဦးရဲ့ အလောင်းတွေကို စနေနေ့ညနေခင်းက
ဆယ်ယူနိုင်ခဲ့ကြောင်း၊ နောက်ထပ် အမျိုးသား ၆ ဦးနဲ့ အမျိုးသမီး ၃
ဦးအလောင်းတွေကို တနင်္ဂနွေနေ့က ဆယ်ယူရရှိခဲ့ကြောင်း ရနောင်းခရိုင်
ထိုင်းရဲတပ်ဖွဲ့က ပြောပါတယ်။
လှေနစ်မြုပ်ခဲ့လို့ ရေမှာမျှော်နေတဲ့ အသက်ရှင်နေသေးသူ ၃၈ ဦးကိုလည်း ကယ်ဆယ်နိုင်ခဲ့တယ်လို့ သိရပါတယ်။
မြန်မာနိုင်ငံ ကော့သောင်းခရိုင်ဖက်ခြမ်းက အလုပ်သမားတွေဟာ
အခုလိုပဲ ထိုင်းနိုင်ငံရနောင်းဖက်ကို တရားမဝင်လှေတွေနဲ့ ဝင်ရောက်ကြတာဟာ
ဖြစ်လေ့ဖြစ်ထရှိတဲ့ အမှုတွေပါလို့လည်း ရဲအရာရှိတစ်ဦးက ပြောပါတယ်။
RFA
Subscribe to:
Post Comments (Atom)
Post a Comment