တောင်တက်လမ်းခရီး၌
ပရိုဘောက်ကားများမှာ မီးလောင်ကျွမ်းမှုများဖြစ်ပွားခဲ့ခြင်းကြောင့် ကားအတွင်း မီးသတ်ဆေးဘူး
ပါဝင်မှုရှိ၊ မရှိ စစ်ဆေးပြီးမှသာ ကညနမှ မှတ်ပုံတင်ခွင့်ပေးတော့ မည်ဟု တိုင်းဒေသကြီး
ကုန်းလမ်းပို့ဆောင်ရေးညွှန်ကြားမှုဦးစီးဌာနမှ သိရသည်။
`မီးသတ်ဆေးဘူးကားထဲမှာ
မချိတ်ဘူးဆိုရင် မှတ်ပုံတင် မပေးတော့ပါဘူး၊ ဘာကြောင့်လည်းဆိုတော့ လူသူမနီး၊ ရေလည်းမနီးတဲ့အတွက်
မီးလောင်ဖြစ်စဉ်ဖြစ်ပွားပြီး တစ်စီးလုံး ဆုံးရှုံးရတယ်၊ ဒါကြောင့် တိုင်းဒေသကြီးဝန်ကြီးတွေက
စီစဉ်ခိုင်းတာ ဖြစ်တဲ့အတွက် စတင်လုပ်ဆောင်တာဖြစ်ပါတယ်´ဟု တိုင်းဦးစီးမှူး ဦးသိန်းဦးက
ပြောသည်။
ပရိုဘောက်ကားများကို
ကုန်လမ်းပို့ဆောင်ရေးညွှန်ကြားမှုဦးစီးဌာနက မှတ်ပုံတင်ခြင်းဆိုင်ရာများကို ကန့်သတ်
မှုများပြုလုပ်မည့်အပြင် ယာဉ်စည်းကမ်းထိန်းသိမ်းရေးကော်မတီမှလည်း စစ်ဆေးမှုများအား ဆက်လက် လုပ်ဆောင်
သွားမည်ဖြစ်ကြောင်း မီးသတ်ဆေးဘူးမပါဝင်ပဲ မောင်းနှင်လျှင် ဒဏ်ကြေး သတ်မှတ်ပေးဆောင်စေတော့
မည်ဖြစ်ကြောင်းလည်းသိရသည်။
ပရိုဘောက်ကားများမှာ
၁၃၀၀စီစီအင်ဂျင်ပါဝါရှိပြီး တောင်တက်လမ်းများတွင် အင်ဂျင်အပူချိန်မြင့် တက်ကာ မီးလောင်ကျွမ်းခြင်းဖြစ်ကြောင်း
၊အပူချိန် ၈၂ဒီဂရီတွင် သော့ဖွင့်လိုက်သည်နှင် ပန်ကာလည်အောင် ပြုပြင်ထားမှုကြောင့်
ဝါယာများ ပူကာ မီးလောင်ကျွမ်းခြင်းဖြစ်ရ ခြင်းဖြစ်သည်ဟု သိရသည်။
မန္တလေးမှ
ပြင်ဦးလွင်သို့သွားရာ တောင်တက်လမ်းတွင် လက်ရှိအချိန်အထိ ပရိုဘောက်စ်ကား သုံးစီးနှင့်
ဟွန်ဒါဖစ်တစ်စီး မီးလောင်ကျွမ်းမှုဖြစ်ပွားခဲ့ရာတွင် ပရိုဘောက်စ်မော်တော်ယာဉ်မှာ တစ်စီးလုံးဆုံးရှုံးမှုဖြင့်
ကြုံတွေ့ခဲ့ရပြီး နောက်ပိုင်းမှ စတင်ကာ အင်ဂျင်ပါဝါသေးသော ယာဉ်များအား တောင်တက်လမ်းများတွင်
ဂရုစိုက်မောင်းနှင်ရန်၊ ပရိုဘောက်ကားများတွင် မီးသတ်ဆေးဘူးများ ထည့်သွင်းရန် စတင်ဆောင်ရွက်ခဲ့ခြင်းဖြစ်သည်။
ပရိုဘောက်စ်ကားများကို
အငှားယာဉ်များအဖြစ်ပြေးဆွဲလျက်ရှိခြင်းကြောင့် အငှားယာဉ်လိုင်းများ၌ မီးသတ်ဆေးဘူးပါဝင်ခြင်းရှိ၊မရှိအား
စစ်ဆေးပြီးမှ ပြေးဆွဲခွင့်ပေးရန်၊ သက်ဆိုင်ရာဌာနများမှလည်း မီး သတ်ဆေးဘူးပါဝင်ခြင်း
မရှိလျှင် မှတ်ပုံတင်ခွင့်ပေးခြင်းကို ပြုလုပ်ပေးတော့မည်မဟုတ်ဟု သိရသည်။
မင်းခန့်-မန္တလေး(မြစ်မခ)
Post a Comment