ဦးသိန်းစိန် နဲ့ အိုဘားမား ဘယ်သူပိုကြည့်ကောင်းသလဲ

 

ရန်ကုန်က နံရံပန်းချီများထဲမှာ  ဦးသိန်းစိန်၊ အိုဘားမားတို့ရဲ့ ပုံတူတွေက ထင်ရှားပါတယ်။
သို့သော်လည်း ဒီလို နံရံပန်းချီတွေဟာ “မြို့ကို အရုပ်ဆိုး အကျည်းတန်”စေတတ်တဲ့အတွက် အများပြည်သူနဲ့သက်ဆိုင်တဲ့နေရာများမှာ မဆွဲဖို့ ရန်ကုန်အာဏာပိုင်တို့က ဥပဒေထုတ် တားမြစ်ထားပါတယ်။အထင်ကရ နံရံပန်းချီကားတွေကို ဖန်တီးသူ  ကိုအာကာကျော် အခုတော့ အရေးယူခံရလို့ ဒဏ်ကြေး အများအပြား ပေးဆောင်လိုက်ရပါပြီ။
ဦးသိန်းစိန်ပုံကြောင့် အရေးယူခံရတာပါ တဲ့။ အိုဘားမားပုံအတွက်တော့ အရေးမယူပါဘူး တဲ့။ 
ဒါကြောင့် ဦးသိန်းစိန် နဲ့ အိုဘားမား ဘယ်သူပိုကြည့်ကောင်းသလဲလို့ မေးရပါတော့မယ်။
ဒီအကြောင်း ဧရာဝတီ သတင်းထောက် ညိမ်းပြည့်စုံက သတင်းပေးပို့ထားပါတယ် …

 နိုင်ငံတော် သမ္မတ ဦးသိန်းစိန်၏ မွေးနေ့တွင် ဖန်တီးခဲ့သည့် နံရံပန်းချီကြောင့် ဒဏ်ရိုက်ခံလိုက်ရသည်ဟု ရန်ကုန်မြို့မှ နံရံပန်းချီ ဆွဲသူ ကိုအာကာကျော်က ပြောသည်။

“လှိုင်မြို့နယ် စည်ပင်တရားရုံးမှာ တရားစွဲတယ်။ အခုတော့ အားလုံးပြီးသွားပါပြီ။ သမ္မတပုံတူကို မွေးနေ့လက်ဆောင်အဖြစ် ဆွဲလိုက်မိလို့ ဒဏ်ငွေ တသိန်း ဆောင်လိုက်ရတယ်။ ပုံဆွဲထားတာက ကြာပြီ အခုမှ ထပြီး တရားလာစွဲတာ” ဟု တရားစွဲဆိုခံရသူ ကိုအာကာကျော်က ဧရာဝတီသို့ ပြောသည်။

မရမ်းကုန်းမြို့နယ် စည်ပင်သာယာအုပ်ချုပ်ရေးမှူးရုံးက ကိုအာကာကျော်ကို တရားစွဲခြင်းသည် သမ္မတဦးသိန်းစိန်၏ ပုံတူ ရေးဆွဲခြင်းကြောင့်သာဖြစ်ကြောင်း၊ အခြား နံရံရေးပန်းချီ (အိုဘားမားပုံတူနှင့် အခြား နံရံရေး ပန်ချီများ) ရေးဆွဲခဲ့ခြင်းကို တရားမစွဲခဲ့ကြောင်း ရှင်းပြသည်။
ဤအမှုကြောင့် အခြားသော နံရံရေးပန်းချီရေးသူများကို တရားစွဲရန် အစီအစဉ်ရှိ၊ မရှိ ဟူသော မေးခွန်း ပေါ်ပေါက်လာသည်။

ထိုမေးခွန်းကို မရမ်းကုန်းမြို့နယ် စည်ပင်သာယာအုပ်ချုပ်ရေးမှူးရုံးမှ တရားစွဲတာဝန်ခံ မယမင်းခင်က အောက်ပါအတိုင်း အဖြေပေးခဲ့သည်။
“အခုတရားစွဲတာတောင် အထက်က ဒီပုံဒီစာကို ရေးခဲ့တဲ့အတွက် တရားစွဲပါလို့ ညွှန်ကြားလို့ပါ။ တခြားပုံတွေကိုပါ တရားစွဲဖို့ အစီအစဉ်ရှိလား ဆိုတာတော့  မပြောတတ်ဘူး။ စည်ပင်ကနေ နံရံမှာ ပန်းချီဆွဲလို့ တရားစွဲတာ ကိုအာကာကျော် ပထမဆုံးပါပဲ။ တခြားပုံတွေ မပါဘူး။ ဒီတပုံထဲကိုပဲ တရားစွဲတာ” ဟု  မယမင်းခင်က ဆိုသည်။

ရန်ကုန်မြို့တော် စည်ပင်သာယာရေး ကော်မတီ၏ ခွင့်ပြုချက်မရရှိဘဲ စည်ပင် နယ်နိမိတ်အတွင်းရှိ အများပြည်သူနှင့် သက်ဆိုင်သည့် အဆောက်အအုံများ၊  အများပြည်သူ၏ မြင်ကွင်းများတွင် ဆေးခြယ်ခြင်း၊ စာလုံးများ ရေးသားခြင်း၊ ရုပ်ပုံများ ရေးဆွဲခြင်း ပြုလုပ်မည်ဆိုပါက မည်သူ့ကိုမဆို ဥပဒေ ပုဒ်မ ၃၃၊  ပုဒ်မခွဲ (ခ) အရ အရေးယူခြင်း ခံရမည်ဖြစ်ကြောင်း ၂၀၁၂ ခုနှစ်၊ ဒီဇင်ဘာလ ၃ ရက်နေ့က နိုင်ငံပိုင် သတင်းစာများတွင် ဖော်ပြခဲ့သည်။

“အဲဒီ ဥပဒေ ထုတ်ပြန်လိုက်တာက တချို့စာလုံးတွေ၊ ရုပ်ပုံတွေက မြို့ကို အရုပ်ဆိုး အကျည်းတန်စေတဲ့ အပြင် မြို့တော် သန့်ရှင်းသာယာရေးကိုပါ ထိခိုက်စေလို့ပါ” ဟု ရန်ကုန် စည်ပင် သာယာရေး ကော်မတီမှ ပြန်ကြားရေးနှင့် ပြည်သူ့ဆက်ဆံရေးဌာန တာဝန်ရှိသူတဦးက ပြောသည်။
ထိုဥပဒေရ   ဒဏ်ငွေ ကျပ် သုံးသောင်းမှ သုံးသိန်းအထိ၊ ထောင်ဒဏ် သုံးလ အထိ ချမှတ်နိုင်မည်ဖြစ်သည်။
 ချမှတ်ထားသည့် ဥပဒေကို ဆက်လက် ဖောက်ဖျက်မည်ဆိုပါကဒဏ်ကြေး ကျပ် တသောင်းမှ ငါးသောင်းအထိ  နေ့စဉ် ကောက်ခံ အရေးယူမည် ဖြစ်ကြောင်း သိရသည်။

ထိုသို့ ဂရပ်ဖတီရေးဆွဲကြသူများထဲတွင် ပြည်တွင်းရှိ လူငယ်များသာမက ပြည်ပမှ အလည်အပတ် လာကြသော နိုင်ငံခြားသားများလည်း ပါဝင်ကြောင်း သိရသည်။
“ဒီလို ညဘက်တွေ ခိုးဆွဲတယ်ဆိုတာ နိုင်ငံခြားတွေမှာလည်း ရှိတာပဲ။ ကိုယ့်အနုပညာကို ကိုယ်ဖော်ပြတာလေ။ နောက်ပြီး အပြင်မှာ ဖြစ်ပျက်နေတာတွေကို အစိုးရကသိအောင် ရေးဆွဲကြတာမျိုးလည်း ရှိပါတယ်” ဟု ဂရပ်ဖတီရေးဆွဲသူ ကိုသားချိုက ပြောသည်။
ဒဏ်ငွေ အများအပြား ဆောင်လိုက်ရသည့် ကိုအာကာကျော်က နံရံပန်းချီဆွဲခြင်းကို စွန့်လွှတ်မည်မဟုတ်ဟု ဧရာဝတီကို ပြောသည်။

“ အခုလို တရားစွဲခံလိုက်ရလို့ ကျနော့်အတွက် ဘာမှ မဖြစ်သွားပါဘူး။ တခုပဲ အတွေ့အကြုံရတယ်လို့ပဲ သတ်မှတ်လိုက်တယ်။ အခုလည်း သူတို့က နောက်ထပ်မလုပ်ဖို့ ခံဝန်တွေဘာတွေ မထိုးခိုင်းဘူး။
ဒီတော့ ရှေ့လျှောက်လည်း ဂရတ်ဖတီကို ဥပဒေဘောင်အတွင်းကနေ ကျနော်ကတော့ ဆက်ဆွဲဦးမှာပဲ။ ကျနော့်အလုပ်က ဒါပဲရှိတာကိုး” ဟု ကိုအာကာကျော်က ပြောသည်။

မူရင်းလင့်

ဆက်စပ် - ဦးသိန်းစိန်ပုံဆွဲဖို့ မင်ကြောင်ထိုးပြီး ငွေရှာခဲ့သူ ကိုအာကာကျော်နဲ့ အင်တာဗျူး http://blog.irrawaddy.org/2013/05/blog-post_8337.html