USS George Washington စစ်သင်္ဘောအုပ်စုဟာ အခု ဗုဒ္ဓဟူးနေ့မှာ ဖိလစ်ပိုင်ကို ရောက်ရှိလိမ့်မယ်လို့ အမေရိကန် ကာကွယ်ရေးဝန်ကြီးဌာန ပြောခွင့်ရသူ George Little က ပြောပါတယ်။ လေယာဉ်တင် သင်္ဘောကြီးပေါ်မှာတော့ သင်္ဘောသား ၅ ထောင်နဲ့ လေယာဉ်အစင်း ၈၀ ပါရှိပါတယ်။
x
သူတို့အနေနဲ့ ဖိလစ်ပိုင်က ဒုက္ခသည်တွေအတွက် အမေရိကန်ပြည်ထောင်စုက ထောက်ပံ့တဲ့ အစားအစာ၊ ရေ၊ ဆေးဝါး၊ နေစရာ အမိုးအကာနဲ့ အခြား သန့်စင်ရေး ပစ္စည်းပစ္စယတွေကို အကူအညီပေးသွားဖို့ ရှိပါတယ်။ အဲဒီသင်္ဘောဟာ တနေ့တနေ့ကို ရေသန့် ဂါလံ ၄ သိန်းကျော်အထိ ထုတ်လုပ်ပေးနိုင်တယ်လို့ ပင်တဂွန်က ပြောပါတယ်။
ဖိလစ်ပိုင်မှာတော့ အင်္ဂါနေ့အထိ အတိအကျရတဲ့ တရားဝင် သေဆုံးတဲ့ ကိန်းဂဏန်းဟာ ၁၇၇၄ ဦး ရှိသွားပါပြီ။ ဒေသခံ ဖိလစ်ပိုင် တာဝန်ရှိသူတွေကတော့ သေဆုံးတဲ့အရေအတွက်ဟာ တသောင်းကျော်မယ်လို့ ခန့်မှန်းထားကြတာပါ။ ဒါပေမဲ့လည်း CNN နဲ့ မေးမြန်းခန်းတခုမှာတော့ သေဆုံး တဲ့အရေအတွက်ဟာ ဒီထက်ပိုနိုင်ပြီး၊ အခုဆိုရင် တရားဝင် သေဆုံးစာရင်းဟာ ၂ ထောင်နဲ့ ၂ ထောင့် ၅ ရာကြားမှာ ရှိမယ်လို့ ဖိလစ်ပိုင် သမ္မတ Benigno Aquino က ပြောခဲ့ပါတယ်။
ဖိလစ်ပိုင်နိုင်ငံက ဘေးဒုက္ခသင့် ပြည်သူတွေအတွက် အကူအညီဒေါ်လာ ၃၀၁ သန်း လိုအပ်တယ်လို့ ကုလသမဂ္ဂရဲ့ လူသားချင်း စာနာအကူအညီပေးရေး အကြီးအကဲ Valerie Amos က အင်္ဂါနေ့မှာ ပြောပါတယ်။ နိုင်ငံတကာ အကူအညီတွေ အတော်လေး အားကောင်းပေမဲ့ လိုအပ်နေတုန်းပဲလို့ သူက မှတ်ချက်ပြုပါတယ်။
ဗွီအိုအေ (မြန်မာပိုင်း)
Post a Comment