The Voice Weekly
လက်ပံတောင်းတောင် ကြေးနီစီမံကိန်း နယ်မြေတွင် ဧပြီလ၂၆ရက်နေ့ မွန်းလွဲပိုင်းက ဖမ်းဆီးထားသူများအား ပြန်လည်လွှတ်ပေးရန် ဒေသခံ ၃၀၀ခန့်သည် တုံရွာမှ ညောင်ပင်ကြီးသို့ ဆန္ဒထုတ်ဖော်လာခဲ့ကြရာ မွန်းလွဲ ၂ နာရီ ၃၀ မိနစ် အချိန်တွင် ကံတော ရွာသစ်အနီး၌ ရဲတပ်ဖွဲ့ဝင်များက စည်းသုံးစည်းဖြင့် တားဆီးခံခဲ့ရကြောင်း ကြေးနီစီမံကိန်း ဒေသခံများက ပြောကြားသည်။
RFA Burmese
ဖမ်းဆီးခံထားရသူတွေကို လွှတ်ပေးဖို့ လယ်သမားတွေ တောင်းဆို
မနေ့က ရန်ကုန်ပြည်သူ့အကျိုးဆောင်ကွန်ရက်အဖွဲ့က ကိုအောင်စိုးအပါအ၀င် ဒေသခံ ၂ ဦးကို လုံခြုံရေးတပ်ဖွဲ့ဝင်တွေက ဖမ်းဆီးထိန်းသိမ်းထားတာပါ။
ဒီနေ့လယ်သမားတွေဟာ ကြေးနီစီမံကန်းအနီး တုံရွာထိပ်ကနေ ညောင်ပင်သာရဲစခန်းအထိ လမ်းလျှောက်ချီတက် ဆန္ဒထုတ်ဖော်ကြရာမှာ ၀က်မှေး-ကန်တောရွာသစ်ကြီးထိပ်မှာ လုံခြုံရေးတပ်ဖွဲ့တွေက တားမြစ်ခဲ့ပါတယ်။
ဆန္ဒထုတ်ဖော်တဲ့ ဒေသခံတွေက ပုဒ်မ ၁၄၄ ထုတ်ပြန်ထားတဲ့ နယ်မြေကို ကျူးကျော်ဝင်ရောက်လာတာကြောင့် မြန်မာနိုင်ငံရဲတပ်ဖွဲ့အနေနဲ့ ဥပဒေအရ တားမြစ်ရတာဖြစ်တယ်လို့ မုံရွာခရိုင်ရဲတပ်ဖွဲ့မှူး ဒုတိယရဲမှူးကြီး တင်ထွန်းက ပြောပါတယ်။
မနေ့ကဖြစ်ပွားခဲ့တဲ့ ပဋိပက္ခမှာ မြန်မာနိုင်ငံရဲတပ်ဖွဲ့ဝင် ၁၅ ဦးနဲ့ ဒေသခံ ၃ ဦး ထိခိုက်ဒဏ်ရာရရှိခဲ့ပြီး ရန်ကုန်ပြည်သူ့အကျိုးဆောင်ကွန်ရက်အဖွဲ့က ကိုအောင်စိုးအပါအ၀င် ဒေသခံ ၂ ဦး အဖမ်းခံထားရတယ်လို့သိရပါတယ်။
Post a Comment